يادنيا

يادنيا ليه كتر الكلام
الناس شايفنها شطارة

ومحدش عارف ينام
ضيعوا وقتهم ياخسارة
أتارى دى مش أفلام
دى حقيقة قلوب محتارة

خايفين من غدر الأيام
 أصل الفرحة ملهاش أمارة

 الواد بقى طالع تامرحسنى
 والبت نانسى وأصالة


مبقاش فى سمعان كلام
والكل محتاج صنارة
تصطادوا من وهم الخيال
وتسحبه من الدنيا الغدارة

والمرتب دمه خفيف
 بقى نكتة مش بطالة

 والست طالع عينها
 تربى جوزها ولاتنفض الصالة


 والبت سهى هتتجنن 

تلبس جينز ولا نضارة

وهيثم بنطلونه تعبه
يسقطه كده وبقى آخر حيارة

والواد فتحى تعبان
بيقول عنده بطالة
طب وعلبة السجاير
منين فلوسها ياجارة


والحكومة طبعا غلبانة
 الشعب ظالمها ياندامة


 دى مش حدوتة قبل النوم
 ده حال الدنيا الخسرانة

يعنى مفيش حاجة هتنفع
غير عمل صالح بأمانة
يدخلنا جنة الرحمن
ونرتاح من الشقاوة
نكون مع النبى
وأحلى صحبة ياحلاوة


ايدكم فى ايدى نهتف ونقول
..
..
..
..
..
..
باى باى يادنيا مع السلامة