حكاية شارع 2

كنت نايمة انا فى بيتنا

 وفجاة سمعت دوشة فى حارتنا

صحيت مخضوضة عالشباك

وسألت فوقية جارتنا

قلتلها خناقة ولاميت

قالتلى الثورة قامت فى بلدنا

قلتلها مش كانت 52

قالتلى وماله المرة دى ملايين

لبست الطرحة ونزلت الشارع

وقلبى يدق من الفرحة بارع

ومشيت وسط الناس عمال فى مصانع

وشباب كتير كنا زمان بنقول عليها حالها ضايع

ووقفت أنا فى ميدان التحرير

والهدف اصلاح وتعمير وتغيير

وشفنا الويل ضرب ونار

وشباب ماتوا فى عز النهار

وبعد أيام من الانهيار

سمعت هتاف بيقول حصل انتصار

وخلاص احلوت وبقينا أحرار

والجيش مسكها وماأحلاه اختيار

ورجعت حارتنا تانى وفرشت الخضار

عدى يوم والتانى وسمعت بالأحكام

مبارك والعادلى وجمال وكمان معاهم سوزان

فرحت اكيد وقلت ده يوم عيد

وهنعيش بكرامة ونبتدى عهد جديد

بس لاحظت شىء غريب

وبقى احساس عجيب

بقالى كتير حالى واقف ومش انا بس اللى شكيت

والبلد بقت مفتوحة وحالها خلانى بكيت

والعدو قاعد بيراقب

عايزها تضرب وهات يامقالب

احترت كتير والفكر طويل

ياترى الثورة غلط ولااحنا مش عارفين البديل

تفتكروا خطة محسومة

ولا احنا ناقصنا معلومة

هتروحى يابلدى على فين

خليكى فى حضنى وجوه العين

سامحينى فى حيرتى

بس قولولى مصر رايحة على فين؟؟؟؟؟؟؟؟؟

تصوير أيضا:(دينا محمود)

هرجع أنا من تانى

ليه جتلى تانى ابعد بقى وانسانى

حرام عليك بقى دانت صحيح أنانى

لاء وبكل بجاحة واقف ولا همك حالى

مصمم تكسر قلبى وتهز كيانى

كل ماأقول هنسى تظهر فى حياتى من تانى

بطلت احبك ومش هضعف من تانى

طبعا بتألم وقلبى وجعنى من الجرح

لكن مش حب لاء ده انت نستنى الفرح

قلبى زعلان منى بيقولى كفاية دمرتينى

بحاول أصالحه لأنى تعبته فى كل سنينى

طبعا متستهلنيش ولابسهل هتلاقينى

أصل انا قلبى شاف الويل وضحكتى راحت من عينى

هقف تانى على رجلى ومش انت اللى هتحيينى

ووقت وهيعدى وهتروح خلاص من عينى

وهحكى حكايتك لولادى وبناتى واحفادى

عشان يعرفوا الحب من اللى باع فى حياتى

والله كانت كدبة كبيرة وصحيت على كابوس

كابوس شعور الوحدة ووحشة النفوس

متهيألك اموت من غيرك

لاء صدقنى وخاف ضميرك

وبطل توهم نفسك بانك مظلوم

اعرف انك هتتحاسب وهييجى عليك يوم

وبالنسبالى خلاص مش هكش

وهفضل انا ومش هغير الوش

وهحب وأعشق تانى

وهرجع طموحة من تانى

فعلا قتلت أحلامى

وخلتها ماضى قدامى

لكن قلبى هصحيه وعقلى هشغله فى ثوانى

مش ندمانة صدقنى

بس صعبت عليا نفسى

أصل انا حبيت باخلاص

معرفش انى هنداس

خد بالك من نفسك لانها بتجرح اوى

وقولها انى مسامحاها وهريحها اوى

وهبعد عنك نهائى لحد نصيبى ماهلاقى

أكيد فى ناس بخير مش كله يعنى هوائى