الاثنين، 16 مايو 2011

مفيش نصيب





محصلش نصيب
عادى جدا مفيش جديد

حبك ليا كان جميل
معرفتش زيه مثيل






كنت عايشة فى هواك
وكنت بجد انسان ملاك

مش هقدر أغلط طبعا ولا أهين
بس هقولك خلاص دماغى مش هتلين

على قد وجع قلبى فى حبك
على قد ماقلبى قوى من جرحك





بتقول بتحبنى وعايزنى موووووووووت
ههههه متضحكنيش بجد هموووووت

الحب يعنى تضحية يعنى احساس
مش كبرياء ولاكرامة فوق الراس

مليش اى ذنب فى الجرح والأشواك
الا انى اتحطيت فى جدول العشاق






 
ضحيت عشان متبقاش قصة وخلصت
أتارى كنت بضحى وفى الآخر انا اللى انتهيت


متقوليش بحبك الله يخليك
خلاص مبقتش باقية عليك

روح فى حالك بقى معدش ينفع
انا كفاية عليا كده وشكرا جدا

طبعا مهمومة وزعلانة وموجوعة
لكن مش هتكسر صدقنى مش اكذوبة

بطل بقى تصدق نفسك
ومش هتحس الا وانت فوقيك طوبة

الله يسامحك على قلبى اللى اتوجع
وانا كنت وياه زى المنكوبة

دموعى تحرم عليا لو نزلت تانى عليك
وقلبى هخلعه لو مرة حن اليك

روح بعيد وانسانى
قلبى هيبقى أنانى

روح الله يسهلك
لكن مع حد تانى

هتقولى لاء انتى ومفيش غيرك
هقولك كفاية بقى وراعى ضميرك

وهنسى كل الذكريات
وهدوس على القلب اللى مات

ومفيش نصيب
عادى جدا مفيش جديد


والقلب اتقفل ومش هنعيد