بحبك يابلدى

بحبك يابلدى ياجميلة
يانسمة دايما وأصيلة

حفرت اسمك فى قلبى
ومجدك هقوله ومش هخبى

انتى اللى القرآن ذكرك
ومفيش تانى أجمل منك

وحبيبى اختارته منك
مهو لازم يبقى من شعبك

وكمان سهر وتعب لأجلك
وهنبنى أسرة تساهم فى مجدك

وأقسمت بربى
اكبر وأربى
أولادى على أمجادك
ويعيشوا من أجل ترابك

حبيبتى انتى الأصل
فى كل العالم وكل عصر
شبابك اهو بيتباهى بيكى
وانتى بروحك نصرتيه

عايزاكى متزعليش من اللى سرقك
ومن اللى عاش جواكى ونهبك

والله ده خاين ياأمى
ميستهلش يبقى من دمى

كان فاكر انه الأدهى
ميعرفش ان ربه الأقوى

متبكيش ده رخيص ميستهلكيش
بيعيه بقى ودوسى عليه ميهمكيش

احنا معاكى ياأمى ياغالية
وولادك أهم أخواتى فى حضنك ياعالية

ومش هتخش علينا لعبة الفتنة الطائفية
ولا حرامية مسلحة فى شوارعنا ولا بلطجية

وعدناكى من يوم ميلادنا فى أرضك
اننا هنخلصلك احنا جيشك وشعبك
ومش هنهين كرامتنا
ومش هنتنازل عن حقوقنا

بحبك ياامى ياغالية
ياجميلة يامصر ياعالية