كل سنة وانت طيب

كل سنة وانت طيب النهاردة عيد ميلادك

ودموعى لسة بتنزل من بعادك
ماترجع بقى وكفايانا عنادك


ماتقولش متغرب عشانى
 وبطل قلب أنانى

خلتنى مثقش فى اى حد
واتعلمت القسوة بجد

الكل بيخاف من زعلى
مايعرفوش ان جرحك ليا خدعنى



زمان كنت بفتخر بيك
ولحد دلوقتى قلبى شاريك

غصب عنى معرفش غيرك طريق
أصلك عودتنى طول حياتى انك الصديق

ليه بعدت وسبتنى للنار أخش
مجاش فى بالك انى هخاف وأكش



مش خايف عليا وانا لوحدى
مش خايف أتوه ومقدرش أمشى

مش عارفة انام من كتر الخوف
وقلت فيك كل الحروف

عشان ترجعلى وانت ملهوف
بجد وحشتنى مش كلام مالوف

ارجع زى زمان
وزفنى لعريسى بحنان



وشوف ولادى بيكبروا وافرح بيهم
وخليك جمبى ومتسبنيش أقل فى عنيهم



عايزة أكبر وأنا فى حضنك
ارجع بقى دنا لسة بحبك

حياتى والله واقفة بسببك
رجعلى طاقتى وحلمى بقربك

هستناك مهما بعدت
وهحبك مهما كرهت

ومش هنسى أجمل أيامك
ولا هضيع مع نسيانك

أنا اللى بيقولوا عليا شبهك
هستناك ومش هتنازل عنك

وكل سنة وانت جميل
وحبك فى قلبى مش هيميل